Sveinn Þór Steingrímsson ráðinn þjálfari Magna

Þorsteinn Þormóðsson formaður, Sveinn Þór Steingrímsson þjálfari og Gísli Gunnar Oddgeirsson framkvæmdarstjóri Íþróttafélagsins Magna

Sveinn Þór Steingrímsson hefur verið ráðinn þjálfari Magna á Grenivík. Hann gerði 3ja ára samning við félagið.

Sveinn Þór var áður þjálfari hjá Dalvík/Reyni og tók hann við þjálfun liðsins á miðju tímabili 2017 og stýrði liðinu síðan til sigurs í 3. deildinni árið 2018. Sveinn Þór kemur frá KA þar sem hann var aðstoðarþjálfari hjá Óla Stefáni.

Sveinn Þór er menntaður íþróttafræðingur og hann er einnig að taka UEFA A gráðuna í þjálfun.

Sveinn Þór er afar efnilegur þjálfari og erum við fullir tilhlökkunar að starfa með honum. Við bjóðum Svein Þór innilega velkominn á Víkina og óskum honum góðs gengis á komandi árum hjá Magna.

Stjórn Magna

Mynd frá undirskriftinni