Fljúgandi knöttur

Mynd frá Strandarmóti á Árskógssandi sumarið 2017

Saga af fyrstu æfingu að hausti þar sem nýr þjálfari fékk að kynnast framtíðarstjörnum Magna.

Komið var að spili eftir fína æfingu þar sem iðkendur höfðu sýnt listir sínar í stórfiskaleik og skotum. Eftir ójafnan leik ákvað þjálfarinn að bregða á það ráð að skella Kristófer í markið, enda kominn með þrennu á skömmum tíma. Þetta var kauði ekki sáttur með enn þrammaði þó í átt að eigin marki. Hélt hann á knettinum og átti að koma honum í leik, kölluðu liðsfélagar hans til skiptis að senda boltann á sig á meðan aðrir hlupu í hringi eða lágu á jörðu niðri. Það sem gerðist næst átti eftir að festast í minningu undirritaðs um ókominn tíma. Snáðinn á fimmta aldursári tók þá boltann og skaut honum á loft. Tíminn stóð í stað, drengirnir sem áður höfðu kallað á boltann göptu nú upp í loftið á meðan að einn guttinn sem lág sá boltann birtast skyndilega fyrir ofan sig, það var líkt og við höfðum séð stjörnuhrap að degi til í miðju íþróttahúsinu. Flaug boltinn yfir varnarlausan markmanninn í gangstæðu marki án þess að hafa nokkurn tíman viðkomu í gólfið. Brast svo í kjölfarið út mikill hlátur meðal viðstaddra og héldum við síðan leik okkar áfram.